oanfach so

oanfach so

und wenn i di verwirr,
mach da nix draus.
i verwirr mi selber oft gnuag.
nua i bin’s gwohnt und du nit.

und wenn i was sag,
dann sag i’s jetzt
und nur fia’s jetzt
und’s isch koa proklamation an die ewigkeit

und i kann da nix versprechn,
i hab koa ahnung nit,
wie i übermorgen reagier,
und was i dann sagn wer

und wenn i zruckschau auf mi,
hab i immer andersch reagiert,
da gibt’s koa muschter nit, des sag:
so geht’s aus – so bin i halt.

i woass lei,
du bisch nit der oanzige, der a risiko eingeht.
aba ohne risiko gibt’s koa nähn nit
ohne risiko gibt’s koa lieb nit
ohne risiko da war ma tot.