koa luscht auf worte

koa luscht auf worte

wenn i was sag,
dann kannt’s sein, dass in 567 tag jemand kimmt
und sagt, du hasch aba gsagt vor 567 tag

i woass selber wie i mi klammert hab,
an worte, die gfallen sein vor 5688 tag,
und sie waren nur mehr worte nach 5688 tag

und wenn i was spiar
dann woass i, des isch wahr,
indem moment wo i’s spiar

i hab angscht vor dem moment,
dass de worte mi festhalten, unveränderbar wie a berg
bis dann da halbe berg wegrutscht und i mit ihm

und so sag i nix mehr
i druck di, i spiar di, i riach di
de wahrheit halt i aus in dem moment

und wenn i merk,
i gwehn mi an di, i mag die luft mit dir teilen
weil’s so schen isch,

kannt’s sein, dass i auf ana wellen reit,
de mi einziecht und i koa luft mehr kriag
aba oans hab i glernt und des vegiß i nit
auf ana wellen da kann ma oben bleibn