es isch koa unruah nit

es isch koa unruah nit

es isch koa unruah nit
des isch a aufregung
de durch mi fahrt
wenn’d neben mia liegsch

da rinnt a schauer
awi üba mein buckl
übern oarsch zu meine zechnspitzln

da lieg i da
und woass nit, wia i liegn mecht
weil alls so viel schen jetzt isch

und mei körper gliaht von innen aussi und
von aussn eini und’s wird so hoass,
dass i weg muass von dia,

so kann koa schlaf mi holen,

des isch de unruah von der du sprichsch
und mein körper beitelts
und er woass nimma wia er hoasst

und gestern da hat a ruah mi eingholt,
wie i neben dia glegn bin
und dei atem mia zoag hat,dass’d eingschlofn bisch,

ganz tiaf drein
da woar a ruah
de hat mi schlafn lassn